Во Тетово најголем број од новите случаи на заразени со коронавирус се поради непочитување на протоколите за време на семејни веселби во затворен простор, но и покрај тоа Комисијата за заразни болести, на денешниот состанок одлучи да не препорача нови мерки за заштита од коронавирусот.
По состанокот беше заклучено дека мерките би се заостриле во моментот кога ќе се укаже таква потреба, а засега состојбата е стабилна.
Оттука нагласија дека лесно зголемување на позитивни од тестирани за Ковид-19 има во Скопје и Тетово.
„Според анализите во Тетово ширењето на вирусот е поради непочитување на препораките и протоколите при организирање семејни веселби и друг тип веселби во затворен простор. И покрај бројот на активни случаи и позитивни од тестирани за Ковид 19, состојбата е стабилна, а во болниците нема притисок од хоспитализации“, велат од Комисијата за зразни болести.
Министерството за здравство апелира граѓаните да се придржуваат кон препораките за заштита и спречување на ширење на вирусот Ковид 19.
