Земјотрес со јачина од 3,6 степени според Рихтеровата скала е регистриран во Словенија утрово во 08:18 часот, соопшти Европско-медитеранскиот сеизмолошки центар (ЕМСЦ).
Земјотресот е регистриран на длабочина од 12 километри.
Епицентарот на земјотресот бил блиску до хрватската граница – 16 километри од Неделишче и 75 километри северно од Загреб, пренесува Индекс.хр
Вознемирените граѓани коментираат на социјалните мрежи.
„Добро се тресеше“, пишува еден.
-Креветот многу ми се тресеше, скокнав на нозе, не знаев што се случува – јавуваат други, пренесува 24сата.хр.
