Земјотресот во морето во близина на Албанија е почувствуван и во земјава. Како што соопшти Сеизмолошката опсерваторија при Природно-математичкиот факултет во Скопје, веднаш после полноќ, на 8 октомври 2020 година, во 00 часот и 13 минути, регистриран е земјотрес чиј епицентар се наоѓа во соседна Република Албанија, во епицентралното подрачје Драч, 170 километри југозападно од Скопје.
Според досегашните податоци, Рихтеровата локална магнитуда изнесува 4.6 степени, а почувствуван е во западните делови на Македонија, од населението во Гостивар, Тетово и околината со интензитет од II-III степени, според Европската макросеизмичка скала.
