Претседателот на Украина, Владимир Зеленски, изјави дека, откако Крим ќе се врати на Украина, таму ќе пие шампањ.
Тој, исто така, рече дека, кога бил млад, неговото семејство живеело скромно и дека за време на неговото детство тој немал можност да патува на Крим, туку дека се заљубил во него за време на студиите.
Зборувајќи за политичката ситуација, Зеленски рече дека граѓаните на Крим со задоволство ќе ја пречекаат украинската влада.
„Ми се чини дека разбраа што се случи, видоа што ќе се случи со Крим без Украина. Луѓето сакаат да видат нешто позитивно во иднина. Затоа, јас сум на мислење дека граѓаните на Крим со задоволство ќе го пречекаат украинското раководство. Верувајте ми“, рече тој.
Зеленски, исто така, кажа дека по враќањето на Крим на Украина, „животот ќе се врати“ на тој полуостров.
Тој додаде дека локалното население себеси никогаш не се сметало за припадници на рускиот народ.
