Украинскиот претседател Володимир Зеленски изјави дека потпишал официјално барање за пристапување на Украина во ЕУ.
Зеленски побара од Европската Унија да и дозволи на Украина веднаш да стане членка, според посебна процедура, бидејќи таа се брани од инвазијата на руските сили.
Претседателот на Европскиот совет Шарл Мишел претходно изјави дека за прием на Украина во Европската Унија потребна е согласност од сите земји-членки, а некои од нив имаат различни ставови.
„Приемот на Украина бара едногласна одлука од сите земји-членки“, рече Мишел, додавајќи дека има различни мислења за ова прашање.
Мишел вети дека редовно ќе го кани украинскиот претседател на самитите на ЕУ.
