Украинскиот претседател, Володимир Зеленски во интервју за германската телевизија ЗДФ рече дека Германија не треба да се обидува да ги балансира своите интереси меѓу Украина и односите со Русија, пренесува Би-би-си.
„Потребно ни е уверување од канцеларот Шолц дека Германија ја поддржува Украина. Тој и неговата влада мора да одлучат, не може да има компромис меѓу Украина и односите со Русија“, рече украинскиот лидер.
Германскиот канцелар ја бранеше Германија од обвинувањата дека нема да и’ го испорача оружјето што и’ го вети на Украина.
Според Шолц, пред да биде испорачано модерното оружје во Киев, украинските војници треба да бидат обучени како да го користат.