Зелените покриви во центарот на Скопје, покрај тоа што придонесуваат за разладување и спуштање на жешките летни температури во градот, како и за намалување на загадувањето во воздухот, периодов стануваат дестинација за голем број различни културни настани.
Овие зелени градини месецов ќе бидат исполнети со голем број културни содржини. Богатата и разновидна културна програма е составена од филмски проекции, музички концерти и театар на отворено.
На зелениот покрив на Дом на градежниците, МКЦ утре организира музичка програма и кино на отворено. Во 19 часот со Диџеј сет ќе настапи Фиц (Студени нозе), а во 21 часот е проекцијата на филмот „The Happiness Effect“ од режисерот Борјан Зафировски.
Влезот е слободен, со претходно подигнат бесплатен билет преку bileti.mkc.mk. Настанот ќе бидат реализиран според протоколот за организирање настани на отворен простор.
На зелениот покрив на ГТЦ, следниот викенд ќе се одржи настанот „Театарски викенд на отворено“ во организација на Театар Комедија и ГТЦ. На репертоарот се претставите: ,,Вечера за глупаци“ (11 јуни, петок), ,,На отворено“ (12 јуни, сабота) и ,,Чао пријатно!“ (13 јуни, недела). Претставите ќе се играат на отворени сцени лоцирани кај петтата фасада на ГТЦ и на Зелениот покрив на ГТЦ, со почеток во 21 часот, со запазени мерки за одржување настани на отворено. Билетите за настанот се веќе во продажба, а ќе може да се купат од од билетарницата на Театар Комедија (секој ден од 10 до 18 часот).
Богатата културна програма на зелените покриви во центарот на градот ќе продолжи и во наредниот период, a заинтересираните граѓани и посетителите ќе имаат можност да уживаат и да поминуваат пријатни летни мигови во овие нови урбани оази.
Текстот Зелените покриви во Скопје цел јуни исполнети со културни настани е превземен од МАКФАКС.
