Струмица, 25 март 2020 (МИА) -Зелениот и сточниот пазар во општинскиот центар Ново Село нема да работат во периодот на епидемија со коронавирус во земјава, објави општината.
Наведуваат дека забраната е донесена поради прогласената вонредна состојба и во согласност со препораките на Владата на Република Северна Македонија, Министерството за здравство и Комисијата за заразни болести, со цел да се спречи ширењето на коронавирусот и да се заштити јавното здравје на сите граѓани.
-На пазарите се забранува какво било присуство на продавачи. Оваа забрана важи се до повторно отворање на пазарот по завршување на вонредната ситуација, а јавноста дополнително ќе биде известена, стои во соопштението на Општина Ново Село, каде пазарен ден е четврток. рт/вј/
