Инспекторите затворија угостителски објект во Куманово кој работел после 18 часот, а во него биле затекнати и гости.
Вчера во 19.20 часот, полициски службеници од СВР Куманово извршиле контрола во угостителски објект на улица „Професор Мијаковиќ“ во Куманово. При контролата било констатирано дека објектот работи по дозволеното работно време за угостителски објекти, а во објектот биле затекнати десет гости и сопственикот М.С.(48) од Куманово.
Од страна на Државен пазарен инспекторат објектот бил затворен. По целосно документирање на случајот, против сопственикот ќе биде поднесена кривична пријава за непостапување според здравствените прописи за време на епидемија.
