Утрински Весник
Македонија

Засилени дезинфекциски мерки во Гевгелиско

Засилени дезинфекциски мерки во Гевгелиско

Гевгелија, 30 март 2020 (МИА) – Првиот детектиран и потврден случај на заразено лице од коронавирусот во Гевгелија ги натера надлежните од ЈПКД „Комуналец“ веднаш да ги засилат дезинфекциските мерки на улиците и јавните површини каде се движат и престојуваат граѓаните.

Улиците во градот и јавните површини се дезинфицираа уште синоќа, додека траеше полицискиот час и додека немаше движење по нив. Тоа беше прилика цистерните на претпријатието со дезинфициенси непречено да минат по градот и, како што велат надлежните, таквата операција ќе ја повторуваат секој петти ден.

Од гевгелиски „Комуналец“ потврдија дека по препорака на СЗО и Институтот за јавно здравје од Скопје, од 20 март пристапиле кон зголемување на количината на резидуален хлор во водоводната мрежа на ниво од 0,5 мг/л заради превенција на населението од Ковид-19.

Од претпријатието велат дека оваа количина била дозволена горна граница на хлор во водата, дека не била штетна по здравјето на луѓето и дека надлежни од институтот за јавно здравје ПЕ Гевгелија со технолог од „Комуналец“ редовно земале мостри за испитување на нивото на резидуалниот хлор во водата за пиење. им/мс/

Извор: mia.mk

Можете да прочитате

Санкционирани 185 возачи во Скопје

Лишени од слобода две лица: Пронајден пиштол и криумчарена стока во село Побожје

Сиљановска Давкова прими претставници на Македонската алијанса за европска интеграција