Полицијата и другите служби за итни случаи во Амстердам излегле на местото на настанот поради заложничката ситуација во продавницата на „Епл“, јавуваат локалните медиуми и очевидци.
Снимките на социјалните мрежи покажуваат како вооружен маж држи едно лице зад стаклото од продавницата, наводно вработен во „Епл“, и мавта со пиштол. Службите за итни случаи се на местото на настанот и на луѓето им е кажано да се оддалечат.
BREAKING: Hostage situation in the Apple store in #Amsterdam ( Video credit @remcovoogt ) pic.twitter.com/j7XXoIv0qJ
— News_Executive (@News_Executive) February 22, 2022
„Полициската акција е во тек поради повик од продавница на Лајдсеплејн“, кусо соопшти полицијата во Амстердам. Според локалната телевизија, очевидци изјавиле дека го чуле пукањето.
Leidse Plein pic.twitter.com/2jYaczmDId
— Erik de Vlieger, Tweep des Vaderlands ⚓️ (@DevliegerErik) February 22, 2022
„Во продавницата има лице со огнено оружје… распоредени се силни полициски и специјални сили за да ја стават ситуацијата под контрола“, објави полицијата во Амстердам на „Твитер“.
