Премиерот Зоран Заев испрати писмо со честитки до Албин Курти по повод неговиот повторен избор за премиер на Косово.
Во писмото, премиерот на својот косовски колега му посакува успех во извршувањето на функцијата и изразува задоволството од пријателските односи меѓу Северна Македонија и Косово.
„Нашата соработка се остварува низ отворен политички дијалог, заснован на меѓусебно уважување и почитување, низ интензивна економска и трговска соработка, тренд кој очекуваме да продолжи со несмален интензитет“, пишува Заев во писмото до Курти.
Заев изразува и надеж за скорешна средба со Курти за консултации и размена на искуства за натамошен прогрес во реализирањето на стратешките цели на двете земји.
