Патниците од ризичните земји што влегуваат во Чешка од денеска, покрај тоа што имаат тест со негативен резултат за присуство на коронавирусот, мора да поминат и најмалку пет дена во карантин пред следниот тест, соопштија чешките власти.
За земји со висок ризик се сметаат Словенија, Велика Британија, Ирска, Португалија, Шпанија, Словачка, Литванија, Летонија, Естонија и повеќето земји што не се членки на ЕУ.
Патниците од земјите со помал ризик треба да направат негативен тест за присуство на вирусот. Чешка веќе ги забрани сите туристички патувања, според АП.
