Министерството за здравство соопшти дека е завршена изведбата и поставувањето на модуларниот ковид – центар во Кичево.
Тој е со површина од 700 метри квадратни и има капацитет од најмалку 45 болнички легла.
„Ова двојно зголемување на постојниот болнички капацитет е од исклучителна важност граѓаните. Сега можното оптоварување со ковид пациенти нема воопшто да го наруши нормалното обезбедување на здравствени услуги“, изјави министерот Венко Филипче.
Исто така, додаде тој, започнува и изведбата на втората фаза на новата болничка зграда во Кичево. Филипче најави дека за неколку месеци, за првпат, ќе биде инсталиран и апарат за компјутерска томографија.
