Кавадарци, 15 април 2020 (МИА) – Заврши 14 дневниот државен карантин за 63 лица во хотелот „Уни палас 2“ во Кавадарци, сите се добро и без симптоми на коронавирус. За ова денеска информираа сопствениците на хотелот.
-Се работи за македонски граѓани кои пристигнаа од Германија, Италија, САД, Словачка, Шпанија, Косово, Бугарија. Карантинот помина успешно, сите гости заминаа здрави и задоволни, нагласија сопствениците на хотелот.
Тие додадоа дека утре очекуваат нови околу 70 гости, кои исто така овде ќе престојуваат во државен карантин. свд/аа/
