Дали модерниот фудбал се сведе на ова – казнување обид на атрактивно дриблање на противникот? Фудбалските фанови останаа зачудени кога Лукас Пакуета од Лион во средата доби жолт картон во обид да го излаже својот противник со атрактивен потег при 3:1 победата на Лион над Троа.
Откако поранешиот фудбалер на Милан, Пакуета, постигна гол во 87. минута, тој се обиде да го помине противникот со таканаречен виножито-потег, но топката го удри фудбалерот на Троа. Зачудувачки, судијката Стефани Фрапар реши да му даде жолт картон.
Бразилските фудбалски фанови на социјалните мрежи се јавија со илјадици пораки со коментар дека европскиот фудбал ја уништува убавината на фудбалот, иако официјалното објаснување е дека тој добил жолт картон поради игнорирањето на судијката.
Неговиот сонародник Нејмар исто така реши да реагира.
„Навистина тажна епизода, да добиеш жолт картон поради дриблање. ‘Количката’ (како што е познат потегот во Бразил) е фудбалски потег кога било на теренот. Лани ми се случи мене, оваа година на Лукас Пакуета. Не сфаќам. Славната ‘жога бонита’ (прекрасната игра) доаѓа до крајот. Уживајте додека трае или борете се да се врати“, напиша Нејмар.
Lucas Paquetá booked for attempting a rainbow flick.
The beautiful game is gone.
pic.twitter.com/uPMTX3C2jR— Big H. (@Hxnz99) September 23, 2021
> Жолт картон за обид за дриблање? Пакуета казнет, крај за „жога бонито“ <
