Претседателот на Европскиот совет, Шарл Мишел, нешто пред полноќ објави дека на состанокот на лидерите на ЕУ во Брисел е постигнат договор за забрана за увоз на руска нафта.
„ Ова веднаш се однесува на повеќе од две третини од увозот на нафта од Русија, што го прекинува значителен извор на финансирање на руската воена машинерија“, напиша Мишел на Твитер.
Agreement to ban export of Russian oil to the EU.
This immediately covers more than 2/3 of oil imports from Russia, cutting a huge source of financing for its war machine.
Maximum pressure on Russia to end the war.
— Charles Michel (@eucopresident) May 30, 2022
Претседателот на Европскиот совет додава дека притисокот врз Русија ќе продолжи до крајот на војната во Украина.
Тој додава дека шестиот пакет санкции на ЕУ вклучува укинување на брзите трансакции со најголемата руска Сбербанк, забрана за емитување на програмите на три други руски државни медиуми и санкционирање на лица одговорни за воени злосторства во Украина.