Европската Унија соопшшти денеска дека не ги признава резултатите од претседателските избори одржани во Белоруисја на 9 август.
ЕУ наведува дека набрзо ќе воведе санкции на оние кои се вмешани во изборните измами и сузбивање на протестите, изјави претседателот на Европскиот совет, Шарл Мишел.
Тој на крајот на вонредниот состанок на лидерите на ЕУ изјави дека санкциите ќе бидат воведени кон одреден број на поединци одговорни за насилство, репресија и изборни измами, пренесе Ројтерс.
На изборите одржани на 9 август претседателот Александар Лукашенко прогласи победа со околу 80 проценти освоени гласови, додека неговиот главен противкандидат, Светлана Тихановскаја освои околу 10 проценти од гласовите.
