Претседателот на Турција, Реџеп Таип Ердоган разговарал одделно по телефон со претседателите на Србија и на Косово, јави „Анадолија“.
Со претседателите на Србија и на Косово, Александар Вучиќ и Хашим Тачи, Ердоган разговарал за ситуацијата на Западен Балкан и за чекорите за зајакнување на односите на Анкара со Белград и Приштина, соопшти Дирекцијата за комуникации на Турција.
Вучиќ и Тачи се согласиле со Ердоган да продолжат со тесна соработка и консултации за билатерални и регионални прашања, се вели во соопштението.
