Барселона, 27 март 2020 (МИА) – Шпанскиот селектор Луис Енрике откри дека ја користи паузата во фудбалот за да продолжи напред со своите студии по англиски јазик. Според медиумите, ова е јасен знак дека тој еден ден ќе посака да води тим во Премиер лигата.
– Во ова време на изолација, се обидувам да ги поделам работите во мојот ден во задолжителни и пријатни. Првата е да помогам дома, да научам англиски, да гледаат натпревари. Втората вклучува гледање серии, читање книги. Јас само се обидувам да го најдам најинтересното. Сега имам години и не верувам дека некој фудбалер би сакал да биде во карантин со мене. Ќе бидам здодевен за играчите, вели Енрике за „Ел Чирингито“.
Од спортистите што можел да ги тренира, Енрике го посочи Лионел Меси како фудбалер кој најмногу го импресионирал.
– Андрес Иниеста се приближува до Меси и покрај тоа што двајцата се толку различни, објасни 49-годишниот тренер.
Тој беше запрашан кои од неговите поранешни екипи сепак би сакал да го води пак еден ден.
– Среќен сум што ја оставив вратата отворена за мене насекаде. Секогаш ќе бидам благодарен на Барса што имав одлични моменти таму како играч и како ментор, заврши Енрике.
