Поранешниот македонски кошаркарски селектор, Александар Џикиќ по вторпат во тренерската кариера седнува на клупата на Будуќност од Подгорица, на местото на тренерот Дејан Милојевиќ.
50—годишниот стручњак од Белград со екипата од главниот град на Црна Гора ја освои АБА лигата и донесе историски пласман во Евролигата.
Џикиќ потпиша двегодишен договор.
„Александар Џикиќ ја обележа нашата најславна сезона, кога под неговата тренерска палка ја покоривме АБА лигата. Создаде една компактна, војничка, фајтерска екипа која подеднакво се бореше на домашен и на гостински терен. Под негово водство поставивме рекорд во Евролигата по број на погодени тројки на еден меч. Со него одиме во нови походи. Александар Џикиќ е тренер на Будуќност“ се вели во соопштението на клубот.
Будуќност во наредната сезона ќе игра во Еврокупот затоа што во финалето на АБА беа поразени со 3-2 од Црвена Звезда.
Povratak na mjesto uspjeha ?⚪https://t.co/E1DryKdoI3#ajmoplavobijeli pic.twitter.com/gy5OmTXEBi
— KK Budućnost VOLI (@KKBuducnostVOLI) June 22, 2021
> Екс-селекторот на Македонија се враќа на местото на успехот, во Подгорица <
