Скопје, 15 мај 2020 (МИА) – Вицепремиерот за европски прашања Бујар Османи денеска најави дека како ДУИ на седница на Влада ќе го покренат прашањето за потребата од зголемување на тестови бидејќи сметаат дека тоа е единствен начин да се комплетира процедурата за олеснување на мерките.
– Само со зголемување на бројот на тестовите, ние можеме полека да ги отвориме сите сектори, да го укинеме полицискиот час, да се отворат бизнисите. Барањето ќе биде тестовите да се движат меѓу 500 и 750 на дневна основа со цел да бидеме помирни во донесувањето на одлуката за отворање на бизнисите, рече Османи, одговарајќи на новинарски прашања по примопредавањето на донација од Австрија преку Механизмот за цивилна заштита на Европската унија. бак/дма/
