Партиската изборна комисија при Демократската унија за интеграција денес го спроведе внатрепартискиот изборен процес за избор на претседатели на ограноци, членови на ограноци, месни совети и членови на месните совети во 10 ограноци на ДУИ во Боговиње, Брвеница, Желино, Врапчиште, Теарце, Чашка, Студеничани, Долнени, Гостивар и Тетово.
Претседателот на ДУИ, Али Ахмети на прес-конференција зборуваше за овој изборен процес и истовремено ги објави имињата на новоизбраните претседатели.
Ахмети рече дека е најгорд човек поради тоа што инсистирал ДУИ да се демократизира, и да стане прифатлив дел за секој граѓанин да ја види можноста, трката и конкуренцијата.
„Овој ден е многу важен за ДУИ, ги започнавме следните две децении водејќи демократски процес и овој процес нема да застане тука туку ќе продолжи и во другите ограноци, правејќи ја ДУИ уште посилна и подемократска, и поодговорна, да бидеме со граѓаните, за граѓаните а секако дека сите заедно сме посилни и непобедливи“, изјави Ахмети.
Во огранокот во Боговиње за претседател е избран Бесник Емшиу, Брвеница – Аркин Јахији, Желина – Емир Сулејмани, Врапчишти – Неби Реџепи, Теарце – Нухи Незири, Чашка – Нафи Дурмиши, Студеничане – Ејуп Абази, Долнени – Џемил Ќамили, Гостивар – Валдет Џафери, Тетово – Фатон Ахмети.
На овие избори биле регистрирани 10.423 членови во 10 ограноци на ДУИ, од кои гласале 75 отсто.