Александар Драговиќ е првото засилување за Црвена звезда во летниот преоден рок. Репрезентативецот на Австрија, вчера ги мина лекарските прегледи, а денес го потпишал тригодишниот договор, од кој ќе заработи 1,8 милиони евра (600.000 евра по сезона).
Драговиќ во Црвена звезда дојде како слободен играч, откако му истече договорот со Баер Леверкузен. Иако имал финансиски подобри понуди, тој открил дека љубовта кон Црвена звезда била пресудна тој да ги одбие сите други понуди.
„Љубовта кон Црвенз звезда ми ја всади мојот дедо. Додека бев мал редовно ме носеше на „Маракана“. Ги гледав дерби натпреварите, тука се роди мојата љубов кон овој клуб. Мојот дедо сега сигурно е најсреќниот човек во светот. Долго време ја следам Црвена звезда, последните четири години е редовен учесник во европските купови. Една од причините што дојдов овде е и тренерот Дејан Станковиќ“, рекол Драговиќ.
На новите соиграчи Драговиќ ќе им се прикличи по ЕУРО 2020. Австрија првиот меч на шампионатот ќе го одигра на 13.јуни против Македонија.
> Драговиќ три години во Црвена звезда <
