Скопје, 28 април 2020 (МИА) – Вкупно 24 тони средство за дезинфекција „Мултисеп форте“ спакувано во 1.200 канистри од по 10 литри денеска донираше Друштво за информатичка технологија „СЕАВУС “ за потребите на Македонскиот полициски синдикат, односно за дезинфекција на простории и возила на Министерството за внатрешни работи, Агенцијата за национална безбедност, Агенцијата за разузнавање, Управата за финансова полиција и Противпожарните единици ширум целата држава.
Како што соопшти МПС, компанијата Сивус одговорила позитивно на барањето на Македоснкиот полициски синдикат и посочуваат дека со оваа донација ќе придонесуваат кон подигање на степенот на заштита на „чуварите“ ширум републиката.
Од Синдикатот информираат дека уште од денешниот ден ќе започнат да ги дистрибуираат во сите објекти на Министерството за внатрешни работи, Агенцијата за национална безбедност, Агенцијата за разузнавање, Управата за финансова полиција и Противпожарните единици ширум Република Северна Македонија, а се со цел навремена дезинфекција на сите простории и сите возила кои што ги користат вработените во овие институции. бк/са/
