Иконата на американската кантри музика ја прими првата доза на вакцината против Ковид-19
75-годишната Доли Партон, која донираше 1 милион долари за развој на вакцина протов коронавирус, беше воодушевена што ја прими вакцината на „Модерна“.
Споделувајќи фотографија на социјалните мрежи, таа напиша: „Доли добива доза од сопствениот лек“.
Минатата година, познатата пејачка и текстописец изјави дека се чувствува многу почестена и горда што донирала пари за истражување на една од најперспективните вакцини против ковид-19.
Во февруари, 75-годишната пејачка инсистираше на тоа дека ќе ја чека својата вакцина против коронавирус, бидејќи не сака луѓето да мислат дека е тоа шоу.
