Досега 19.400 лица се вакцинирани против ковид во Италија. Владата планира да го зголеми бројот на вакцинирани и, доколку е потребно, да се вакцинираат ноќе.
За таа цел, се планира да се вклучат илјадници сега невработени лекари во кампањата за вакцинација.
Претседателот на Федерацијата на италијански онколози, кардиолози и хематолози, Џордано Берета, бара онколошките пациенти да бидат ставени во групата на оние кои имаат предност во вакцинирањето, а пред сè пациентите на кои имунолошкиот систем им е намален поради терапијата.
Според него, нема значителни разлики помеѓу антиковид вакцините што сега се достапни, разликите се само од логистичка и оперативна природа.
Италијанските лекари ја поздравија одлуката на „Фејсбук“ да ги затвори сите страници што се против вакцинацијата.
