Скопје, 27 март 2020 (МИА) – Републичкиот центар за лица со интелектуална попреченост – ПОРАКА и дневните центри – ПОРАКА спроведуваат адаптирана програма за психосоцијална поддршка и прилагодени индивидуални едукативни програми со корисниците на дневните центри и нивните семејства.
-Сите промени кои се случуваат околу нас делуваат на нашата перцепција и го менуваат секојдневниот ритам на живот. Така и оваа новонастаната ситуација внесува чувството на страв, загриженост, збунетост, анксиозност, очај, бесмисленост, безнадежност, неизвесност. Во услови на пандемија предизвикана од корона вирус, за чие надминување основно е да се почитуваат препораките за физичка изолација и останување дома, стручните тимови на РЦПЛИП-ПОРАКА и дневните центри –ПОРАКА во Скопје (Аеродром и Капиштец), Радовиш, Прилеп и Штип, спроведуваат адаптирана програма за психосоцијална поддршка и прилагодени индивидуални едукативни програми со корисниците на дневните центри и нивните семејства. Активностите се спроведуваат во домашни услови со употреба на телефонска и видео онлајн комуникација, се посочува во соопштението од ПОРАКА.
Психолошко-социјалната поддршка, како што наведуваат, ќе овозможи полесно надминување и прифаќање на новонастанатите состојби предизвикани од COVID-19 (корона вирусот) кај лицата со интелектуална попреченост и нивните семејства. ев/лв/
