Скопје, 1 јуни 2020 (МИА) – Директорот на „Службен весник“ Мартин Костовски предмалку на својот Фејсбук профил објави дека ќе биде во 14-дневна самоизолација поради контакт со директорката на Управата за јавни приходи Сања Лукаревска.
– И покрај строгото почитување на мерките и минималните контакти со луѓе, сакам да ве информирам дека јас пред еден час направив тест за вирусот КОВИД – 19 поради контактот со другарката Сања Лукаревска која е позитивна на вирусот. За среќа немам никаков симптом и се надевам дека нема да бидам позитивен. Следните 14 дена ќе бидам во самоизолација и обврските ќе ги вршам во домашни услови. Затоа уште еднаш апелирам до сите да не го потценувате вирусот и можноста за зараза и да бидете максимално внимателни, напиша Костовски. бак/фф/
