Крива Паланка, 19 март 2020 (МИА) – Општина Крива Паланка продолжува со интензивните активности за миење и дезинфекција на јавните површини и улиците во градот. Во акцијата покрај возила и вработени на ЈП Комуналец, со свои ресурси се вклучени и вработените на Територијална противпожарна единица Крива Паланка и приватни компании.
–Во текот на вчерашниот ден и ноќта се одвиваше акција за миење на главните улици во градот и дезинфекција на споредните улици, а во тек на денов ќе се продолжи со дезинфекција на овие локации. на тоа се врши редовна дезинфекција на јавни тоалети, клима уреди во рамки на институциите, а на сите куќни совети на стамбените објекти за колективно домување им се дадени задолженија да се изврши дезинфекција во влезовите и самите објекти, изјави градоначалникот на општина Крива Паланка, Борјанчо Мицевски.
Во текот на вчерашниот ден извршена е и дезинфекција на граничниот премин Деве Баир.
МВР, заедно со епидемиолошките и санитарните служби, како и Пазарниот инспекторат, прави редовна контрола на сите повратници од високо и средно ризични држави, како и контрола на веќе дадените мерки од страна на главниот координанитивен кризен штаб и општинскиот кризен штаб.
–На граѓаните им се препорачува да останат дома и без неопходни потреби да не излегуваат. Апелирам да не се прават залихи од храна и хигиенски средства бидејќи има доволно за сите, истакна Мицевски.ид/лв/
