Дајмлер, татковската компанија на производителот на автомобили Мерцедес и на Формула 1 тимот со исто име, објави дека ќе се преименува во Мерцедес-Бенц до крајот на 2021 година, а како дел од преструктуирањето, одделот за производство на камиони ќе работи како посебна единка.
Оваа вест предизвика акциите на Дајмлер да скокнат за речиси 9 отсто, постигнувајќи највисока цена во последните две години.
„Автомобилите на Мерцедес-Бенц и камионите на Дајмлер се различни бизниси со посебни бази на корисници и веруваме дека е потребно да работат посебно“, изјави генералниот директор на Дајмлер, Ола Калениус.
Ова нема да има никакво влијание на работата на Формула 1 тимот, кој веќе не е во апсолутна сопственост на компанијата – минатата година тие продадоа една третина од тимот на британската компанија ИНЕОС, и уште една третина на шефот на тимот, Тото Волф.
> Дајмлер ќе се преименува во Мерцедес-Бенц, акциите скокнаа речиси 9 отсто! <
