Министрите за надворешни работи на Групата седум (Г7) денеска ја повикаа Кина да го реши проблемот со Тајван по мирен пат.
„ Нема оправдување за користење на посетата како изговор за агресивни воени активности во Тајванскиот теснец. Нормална и рутинска активност е кога законодавците на нашите земји патуваат во странство – велат министрите за надворешни работи на Г7 во денешното соопштение објавено во Германија, оценувајќи дека ескалацијата предизвикана од Кина се заканува да ги зголеми тензиите и да го дестабилизира регионот.
Апелот беше упатен откако Кина изрази незадоволство поради посетата на претседателката на американскиот Претставнички дом Ненси Пелоси на Тајван и организираните воени маневри во водите околу Тајван, пренесува „Ројтерс“.