Земјотрес со јачина од 6 степени според Рихтеровата скала е регистриран во близина на Крит, а тоа е трет силен земјотрес што денеска ја погоди Грција.
Епицентарот на земјотресот, кој се случи во 20.59 часот по локално време, бил на 174 километри источно од Ираклион на длабочина од 10 километри, се наведува на веб-страницата на Европско-медитеранскиот сеизмолошки центар.
Претходно земјотрес со јачина од 5,2 степени според Рихтеровата скала ги потресе јужните грчки острови, а најмногу е почувствуван на Крит, пренесе „Катимерини“.
Земјотресот се случил околу 17.15 часот по локално време, на источната страна на Крит, на длабочина од девет километри, соопшти Институтот за геодинамика од Атина.
Засега нема информации за материјална штета, ниту има информации за евентуални повредени.
Според локалните медиуми, земјотресот бил почувствуван и на островите Карпатос, Касос, Родос и Санторини.
После тоа, Грција во 18.14 часот ја погоди уште еден земјотрес со јачина од 4 степени, на планините западно од Атина, на 27 километри североисточно од градот Коринт, на длабочина од 16,7 километри.
