Шведска активистка за климата, Грета Тунберг (18), најави дека ќе донира 100.000 евра за поправедна дистрибуција на вакцините против Ковид-19.
Средствата се наменети за „Ковакс“ механизмот на Светската здравствена организација (СЗО), за обезбедување еднаков пристап до вакцините против Ковид-19 за земјите во развој, рече Тунберг на прес-конференција со шефот на СЗО, Тедрос Гебрејсус.
„Меѓународната заедница мора да стори повеќе за да се реши трагедијата со нееднаква дистрибуција на вакцини (…), зашто, како во случајот со климатската криза, и тука прво мора да им помогнеме на најранливите“, рече шведската активиста.
Според СЗО, во многу богати земји, едно од четири лица ја примило првата доза на вакцина против Ковид-19, а во посиромашните земји, едно од 500 лица.
