Скопје, 10 март 2020 (МИА) – Во согласност со издадените мерки и препораки од Владата, Градот Скопје соопшти дека од утре, во наредните 14 дена нема да се врши прием на странки во Секторот за финансиски прашања – Одделението за даноци.
-Почнувајќи од 11.03.2020 година, среда, во наредните 14 дена нема да се врши прием на странки во Секторот за финансиски прашања, во барака број 15, за консултации во предвидените приемни денови, вторник и петок, се наведува во соопштението на Град Скопје.
Градските власти соопштија дека шалтерите во барака број 16 редовно ќе ги извршуваат своите работни дејности за прием и издавање на документи.бт/са/
