Градоначалникот на украинскиот град Буча во близина на Киев изјави дека властите досега пронашле 403 тела на луѓе за кои се верува дека биле убиени од руските сили за време на окупацијата на областа, но дека бројот сè уште расте.
Анатолиј Федорук додаде за време на брифингот дека е премногу рано за жителите да се вратат во градот иако руските трупи се повлекоа пред две недели.
Властите почнаа да извлекуваат тела од масовна гробница во близина на црквата Св. Андреј, кој минатата недела беше посетен од претседателката на Европската комисија, Урсула фон дер Лајен.
