Скопје, 28 февруари 2020 (МИА) – Градоначалникот на Опшина Бутел Велимир Смилевски денеска присуствуваше на групна роденденска забава со лицата од Заводот за рехабилитација на деца и младинци во Скопје.
Оваа установа, како што соопшти Општина Бутел, обезбедува дневно и интернатско згрижување, воспитание, образование, работно оспособување и работна окупација, спортско – рекреативен и културно забавен живот и здравствена заштита на лица со умерено и тешки пречки во интелектуалниот развој.
– Градоначалникот Велимир Смилевски има постојани средби со вработените и штитениците од Заводот за рехабилитација. Општина Бутел во континуитет ги вклучува овие лица во сите општински и училишни активности – предновогодишниот базар и новогодишниот хепенинг со што лицата од Заводот се претставија со свои рачни изработки, стои во соопштението од Општина Бутел. мд/сп/
