Велес, 20 март 2020(МИА) -Општина Чашка изведува градежните зафати во селото Долно Јаболчиште.
Се гради потпорен ѕид во должина од 45 метри покрај речното корито на реката Тополка и се работи на подигнување и уредување на нова јавна површина, нeјзино партерно уредување и реконструкција на улицата кон излезот на селото во должина од 200 метри
Како што информира градоначалникот на Чашка Горан Стојановски, за оваа намена од општинскиот буџет се обезбедени се 500 илјади денари. Градежните активности ги извршува ЈПКД „Тополка“ и месното население.
-Центарот на село Долно Јаболчиште со овие градежни зафати добива нов поубав лик, а воедно се овозможуваат и подообри услови за живот на месното население, потенцира Стојановски. ад/мд/
