Ане Шпиегел денеска соопшти дека поднесува оставка од функцијата министер за семејство на Германија, откако изби скандал со минатогодишната одлука да оди на одмор по разорните поплави во сојузната држава.
Шпиегел, член на Зелените, е првиот министер што ја напушти владата на канцеларот Олаф Шолц, која сè уште ја сочинуваат неговите социјалдемократи (СПД) и Либералната партија на слободните демократи.
„Денес, поради политички притисок, решив да поднесам оставка од функцијата федерален министер за семејни прашања“, рече Шпигел, која во неделата се извини за четиринеделната пауза веднаш по големите поплави во 2021 година.
Во тоа време таа беше министерка за животна средина во сојузната покраина Рајнланд-Пфалц, која беше најтешко погодена од поплавите во кои животот го загубија повеќе од 170 луѓе.
