Германија ги предупреди своите граѓани да не патуваат во Париз и на францускиот Азурен брег поради ширењето на коронавирусот во тие области, соопшти германското Министерство за надворешни работи.
Министерството предупреди да не патуваат во регионот Ил де Франс, каде што се наоѓа Париз, како и на југ, во регионот Прованса-Алпи-Азурен брег, кој ги опфаќа Марсеј и Ница.
Германија во саботата имаше најголем број новозаразени со коронавирус во однос на оние заразени во април, а властите објавија дека дел од случаите на инфекција биле откриени кај германските туристи кои се враќале од странство.
