Судењето на поранешните лидери на ОВК во Хаг ќе влијае на веќе напнатите односи меѓу Белград и Приштина, се оценува во коментарот на лондонскиот дневник „Гардијан“.
Британскиот весник наведува дека почетокот на долго одложуваните судски постапки би можел да има значајно влијание на Косово и на напнатите односи меѓу Белград и Приштина.
За време на минатата недела Специјалниот суд за злосторства на ОВК, нареди апсење на тројца поранешни и влијателни припадници на терористичката Ослободителна војска на Косово.
Се работи за шефот на здружението на ветерани на ОВК, Хусни Гуцати, неговиот заменик Насим Харадинај и Сали Мустафа.
Тие се појавија пред судот во посебно припремена судница, опремена со заштитни стакла, а Насим Харадинај се изјасни дека не го признава судот во Хаг.
„Не го признавам овој суд и вашата работа. Го прекршивте секој човечки закон и право на изразување. И да ме осудите на казна од 500.000 евра, не можете да го промените мислењето на моите луѓе за овој суд“ порача Харадинај.