Врховните судии ја потврдија затворската пресуда за предметот „Рекет“ каде на Катица Јанева и беше одредена седумгодишна затворска казна, а на Бојан Јовановски му беше изречена деветогдишна затворска казна. Ова е трета инстанца која одлучуваше по овој предмет, по Кривичниот суд и Апелација, а сите донесоа идентична одлука.
„Врховниот суд на Република Северна Македонија ја информира јавноста дека на 1 јуни 2022 година постапуваше по предметот познат во јавноста под името ‘Рекет’, оформен по поднесените барања за вонредно преиспитување на правосилна пресуда поднесени од осудените Бојан Јовановски и Катица Јанева и одлучи барањата да ги одбие“, соопштија од Врховен суд.
Обвинетите Јанева и Јовановски сметаа дека има суштествени повреди во постапката поради кои бараа предметот да се врати на повторно судење.