Скопје, 6 мај 2020 (МИА) – Вработен во Општина Кисела Вода бил заразен со вирусот Ковид-19, а петмина вработени, кои биле во контакт со инфицираниот ќе бидат во карантин, информираат од општината. Градоначалникот Филип Темелковски и кризниот штаб на денешниот состанок донеле препораки како за вработените така и за жителите на Општината.
За состојбата во Општина Кисела Вода информиран е Центарот за јавно здравје од каде се добиени препораки за понатамошно постапување.
Поради новонастанатата ситуација, Општината Кисела Вода соопштува дека до 12 мај нема да работи со странки туку сите оние кои имаат прашања може да се обратат на следните телефонски броеви.
Сектор за комунални работи, инфраструктура, сообраќај и заштита на животна средина
071261194
075309930
070 292 962
078 373 779
Сектор за урбанизам и просторно планирање:
02/2785429 за легализација
02/2785420 за одобренија за градење
02/2785443 за просторно планирање
Сектор за инспекциски работи
02/2785449
02/2785456
02/2785465
Сектор за образование, предучилишно воспитување, култура и спорт
02/2785418
Сектор за месна самоуправа
02/2785427
Сектор за нормативно правни работи
070 226 037
072 314 988
-Архивата на Општината на безбеден начин ќе прима предмети од странки и истата непречено ќе работи секој работен ден од 08:00 до 16:00 часот. Локалната самоуправа за своите вработени набави и им подели заштитни маски кои ќе биде потребно задолжително да ги носат во своите канцеларии. Покрај ова, Општина Кисела Вода за полесно справување со вирусот, утре ќе добие донација 3000 заштитни маски од Амбасадата на Словачка во Северна Македонија, информираат од општината.
Оттаму додаваат дека дезинфекцијата на општинските канцеларии, влезовите станбените згради, автобуските постојки, градинките и училиштата ќе продолжи да се одвива. Во зградите во кои живее некој заболен или пак каде што има лица во карантин дезинфеција ќе се врши на преку три дена. ир/са/
