Вработените во „Гугл“ ќе работат од дома најмалку до јули следната година, објави „Вол стрит журнал“.
Извршниот директор, Сундар Пичаи, ја донел одлуката лично минатата недела по состанокот меѓу директорите на компанијата.
„Гугл“ претходно планираше работниците да останат дома до крајот на 2020 година.
Новата одлука се однесува на сите околу 200.000 вработени во „Гугл“, и оние со полно работно време и за оние кои се хонорарно ангажирани.
„Вол стрит журнал“ наведува дека Пичаи сака особено да им помогне на работниците кои мора да се грижат за децата затоа што е неизвесно дали училиштата ќе бидат отворени.
