Во последните 24 часа во Хрватска се потврдени 53 нови случаи на коронавирус. Вкупниот број на заболени се искачи на 3.775, а просечната возраст е 47,4 години.
„Во последните 24 часа тестирани се 204 лица, а процентот на позитивни е е 4.01 отсто“, соопшти министерот за здравство, Вили Берош.
Тој кажа дека нема нови значителни жаришта. „Има неколку свадби и прослави во различни краеви. Има едно ново жариште во дом за стари лица во Умаг. Вчера се земени 90 брисеви и сите се негативни, што е одлична вест“, кажа Берош.
Тој, исто така, информира дека во последните 24 часа во Хрватска влегле повеќе од 7.500 германски туристи, 7.100 словенечки туристи, потоа 3.800 туристи од Чешка, повеќе од 3.400 туристи од Австрија.
Поради зголемениот број на случаи, во Хрватска од денеска е задолжително носење маска во продавници.
