Во Унгарија е поставен нов црн рекорд на бројот на смртни случаи во еден ден.
Во изминатите 24 часа, 207 лица, претежно постари пациенти со придружни болести, починале како резултат на болеста Ковид-19, а биле регистрирани 6.502 новозаразени, е објавено на веб-страницата koronavirus.gov.hu, пренесува МТИ.
Агенцијата наведува дека, според денешните податоци на овој владин портал, досега во земјата се имунизирани вкупно 1.441.706 лица, од кои 421.915 примиле втора доза вакцина.
Бројот на активни заразени во Унгарија се искачи на 160.557, а во болниците во моментот има 10.386 ковид-пациенти, од кои 1.170 имаат потреба од кислородна поддршка, според МТИ.
