Во последните 24 часа во Србија биле тестирани 12.149 лица, од кои 4.226 се позитивни на Ковид-19, а регистрирани се и нови 25 смртни случаи.
Премиерката Ана Брнабиќ најави средба со медицинскиот дел на Кризниот штаб. Таа истакна заострување на епидемиолошките мерки.
„Ќе мора да ги заостриме мерките, но ќе видиме што може да се направи и што би било најпаметно“, рече Брнабиќ.
Кризниот штаб инсистира на заострување на мерките.
„Се обидуваме да најдеме рамнотежа и мислам дека успеваме во тоа бидејќи сè уште имаме доста добри економски и здравствени индикатори“, додаде Брнабиќ.
Ситуацијата во Србија станува сè потешка, а вирологот Тања Јовановиќ изјави дека британскиот вид на вирусoт станува доминантен.
Според последната одлука на Кризниот штаб, од петокот сè е затворено, освен продавниците за храна, аптеките и бензинските пумпи. Исто така беше одлучено средношколците да продолжат со часови преку интернет, а од утре ќе им се придружат и основците од повисоките одделенија.
