Во последните 24 часа во Србија биле тестирани 16.910 лица на коронавирус, од кои 4.826 биле позитивни, а починале 39 лица.
Во моментот има 299 пациенти на апарати за дишење, а 7.641 пациент во болниците.
Од почетокот на пандемијата во Србија се регистрирани вкупно 610.232 случаја на корона, а бројот на смртни случаи е 5.384.
Досега се тестирани вкупно 3.458.046 примероци.
Нова седница на кризниот штаб ќе се одржи денес во 16 часот кога ќе се одлучи дали постојните мерки ќе останат во сила или ќе има мало опуштање.
Премиерката Ана Брнабиќ најави дека ќе се разгледа потенцијално олеснување на мерките бидејќи може да се забележи стагнација во бројот на новозаразени лица.
