Две лица се повредени во сообраќајката што се случи синоќа пред Влада.
Според информациите од МВР, несреќата се случила околу 19:15 часот на крстосницата од бул. Илинден и бул.нСв.Климент Охридски, а во неа учествувале автомобил „шкода“, управуван од Ј.Б.(38) од Скопје, автомобил „фиат“, управуван од Д.П.(45) од Скопје и автомобил „киа“, управуван од А.Т.(36) од Скопје.
Во незгодата со повреди се здобиле Ј.Б. и сопатникот од патничкото возило „шкода“, Б.Љ.(35), констатирани во комплексот клиники „Мајка Тереза“. Извршен бил увид од увидна екипа од СВР Скопје.
