Утрински Весник
Македонија

Во Скопје хоспитализирани 2 нови пациенти со коронавирус, вкупно 109 се лекуваат во болниците низ државата

Регистрирани 214 нови случаи на Ковид-19, починати се 36 лица

Во изминатите 24 часа во ковид-центрите во Скопје има хоспитализирани 2 нови пациенти поради компликации од коронавирусот. Двајцата биле примени во ГОБ 8 Септември, каде во моментов има 15 болни.

Вкупната бројка на пациенти позитивни и суспектни на коронавирусот кои се лекуваат на инфективните одделенија во болниците низ целата држава е 109, а од нив 43 се хоспитализирани во Скопје.

По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 5 пациенти, позитивни и суспектни на Ковид 19. Во болницата во Штип се хоспитализирани 4 пациенти. На инфективното одделение во Тетово има 2 пациенти, во Велес се лекуваат 8 болни, а во Куманово 14 пациенти позитивни и суспектни на Ковид 19. Во ковид центарот во Охрид има хоспитализирано 7 пациенти, во Прилеп 3, во ковид центарот во Гостивар 8, а во Струга 5 болни.

Во болницата во Струмица хоспитализирани се 9 пациенти, во Кичево 1 и во Кавадарци и во Гевгелија нема хоспитализирано лица позитивни и суспектни на коронавирусот.

Поради намалениот број на болни, болниците затворија дел од капацитетите наменети за ковид пациенти.

Можете да прочитате

Изречена казна затвор од една година во првата осудителна пресуда во Македонија за говор на омраза врз основа на сексуална ориентација 

Приведен арамија од Кочани кој признал седум кривични дела и вратил дел од украдените предмети

Приведен крадец во Кавадарци